HYMN 803

(FE 838)
“Akanse orin fun Egbe Serafu
nipa A. K. Ajisafe” 
“Emi yio te o lorun li Oluwa wi" - Jer.31:14 



1.  BABA Olorisun ibukun gbogbo 

     Awa yin O fun ‘pade wa loni 

     Jowo f’orisun ibukun Re fun wa, 

     Orisun ‘bukun Re ti ki gbe lai,

     Olorun Abram, o d’owo Re, 

     Nitori Jesu masai gbo ebe wa.


2.  Seri bukun Re s'ori gbogbo egbe 

     At’lgbimo l‘okunrin l‘obinrin

     Egbe Akorin ati gbogb‘ osise

     To mbe ninu Egbe Serafu yi; 

     Olorun Aaron, o dowo Re

     Di Egbe Serafu l'amure ododo.


3.  Jo ma jeki fitila Egbe yi ku, 

     Jo mase je k'ota le ri gbe se

     Jo tun gbogbo ibaje inu re se,

     Je k' o gbile n'nu ‘fe on ‘wa mimo 

     'Wo Oba Sion, o dowo Re, 

     Jo mo je k‘iyo Egbe wa yi d’obu.


4.  Bukun f'awon ara ati ore wa, 

     Omo Egbe at'awon oworan 

     Je ko ro wa; je k’ile roju fun wa

     K'a mase tori ara wa pose 

     Jehovah Salem, o dowo Re, 

     Mu ki ‘paiya lo k‘alafia po si.


5.  Siju anu Re wo gbogbo Egbe wa, 

     Dawo pasan ibinu Re duro

     Darij' awon ota at’elegan wa, 

     Mu ota at'ija kuro fun wa, 

     Jehovah Rufi, o dowo Re, 

     S’awotan arun to mba ilu wa ja.


6.  Baba, ma f'ebi kehin ayo fun wa

     K’a mase f’akisa pari aso,

     Ma je ka f’arun pari ara lile 

     Ma je ki awa ku sowo Esu 

     Olorun Haggar, o dowo Re, 

     Pese itura fun wa li aiye wa.


7.  Jowo f‘ike Re ke awon alaisan 

     F‘adun si f’awon t'aiye won koro,

     Fi ire kun gbogbo awon ti ebi npa;

     Jo ma je k’awon omo wa yanku, 

     Jehovah Nissi, o dowo Re 

     Masai j'Opagun fun gbogb‘awon Tire.


8.  ‘Wo lo mu wa wa laye titi d‘oni

     Je k'idasi wa je fun Ogo Re, 

     Lowo ewu at‘ipalara gbogbo 

     Jesu, masai fi iso re so wa, 

     Oyigiyigi, o dowo Re,

     Pa mi mo ki nmase gb'ojo olojo lo.


9.  Lojo ti ao se idajo aiye, 

     T’awon Angeli y‘o wa kore fun O,

     Gba wa, Jesu, gba wa ni ojo nla la

     K’a wa le je ninu ire nla na, 

     Krist’ olugbala, o dodo Re, 

     Ma je ki ntase ibukun rere na.  Amin